بأخر حجايه الج الشاعر حسنين الربيعي بغداد بأخر حجايه الج بالدنيا كلشي جمد و اليجري ضل دمي جانت وصيتج الي من عندي اشبع اضن تدرين جنتي اذا رحتي اضل وحدي و محد يضل يمي يا يمه و بروحتج بالماي كلشي اختفى بس الطفح همي ما احس كمت بالوكت الخير كله مشه مثل الكعد عالاكل من غير ميسمي الجانو بصفي شكثر و بعازه اني جنت بس مالهم عازه وجعة فراكج بقت هالجمد بيها الوكت مثل الذي ينوجع من ينضرب جازه وايامي اخذها الهوه بشرفه تطل عالبحر وايامي جنت ورق شايلته الميازه كلشي اختياري قبل ما رايد موادعج بس عايز موادعج شكد صعب موقف بشر بوداع يتوازه شثكل فكدج عليه بكسره العظم ينجبر و عندج بحالي علم مرتين ظهري انكسر من شيل الجنازه منچ شگد انفگد و اتعاجز اني چنت بس هسه وحشه صفت وين اليفگدوني المشكله افگد گمت و ياهو الفگدته يمل يا يمه و الله وكت وادم يملوني وحقچ فراگچ جمر يا يمه و الله جمر ضميته بعيوني شگد صار بيها ضحك شلونك اذا انسأل شرد انه اجاوب اذا ما اعرف شلوني احسد اخوتي صرت وياچ عاشو عمر و جوه العبايه غفو چا ليش اني اختلف بحضنچ اجيت الصبح و المغرب اخذوني هم نعمه باقي عدل و مستغرب اني تره لحد هسه وادم اكو گدرو يشوفوني و اخر قصيده الچ عفت الشعر للصبه شيفيدني بروحتچ اقره شكثر للخلگ بس ما يفهموني چذاب و تعطلت صارت بعيده النجف ما چني ذاك الگلت ماگوم من الگبر .. ميت يشيلوني شگد عندي لأجلچ حچي شگد سولفت بالگلب و لا صوت مني طلع و لا اني زاير چنت و لا انتي مرقد ولي تجتمع حولي الخلگ و لو بيه طبو تره هم ما يسمعوني و الدرب لام الولد و زفه و عروس و ضحك و هلهوله بأعلى الصوت جانت امنيتي تره يسون لاجلج درب مو درب للتابوت كل ذكرياتج وجع سجين كاسر عظم و منهن بديت انهزم بدرب المشينه سوه لو بالنعش مافوت و وصيت ناسي تره الماشبع منج عدل وياج دفنه عسى يرتاح من يموت انه ارجف و منحني و مطعون من كل كتر و الخوف هد كل كتر بس جني مترهي ما جنت احجي لجن نبض و كلام الكلب بين على وجهي بس ابتسم للخلك و الدنيا مو يمي الغصن الاخضر تره بي صوت من ينكسر مارضه يطلع تره و ما بين برسمي و من جوه احارب جنت جوه الصدر معركه و المنذبح حلمي بسوك المساوم صرت و الناس همها الغلب روحي اشتروها و تره للبيع صار اسمي ياناس اني تره واحد بلايا كلب واحد خسر و انخسر و ضاعت حياته تره يا دنيتي افتهمي انه بشر يستحي و يخاف ليل الشتا ماريدكم بالحزن و لا اريدكم بالفرح و ما اريد انه اي بشر بس رايد اني امي
0 تعليقات