سماا امرايات بعيوني
بقلم حوراء حرب
سماا امرايات بعيوني
وحلم صافي
يجيسه اليسـأل اشلوني
وايگلـي
اعلة طولة بالي وي هالناس خيعوني
يخيعونـي
عليكم
ع اليجافوني
أعلة الگوطروا مآ چنهم يعرفوني
الوكت حفنة گزاز اعليه دفعوني
طحـت ..
ومتانيه اسم الله يگلولي
الگبل جانو مثل شم الهوى الريتي
ويودوني
............شبدر مني
اوتدير اوجوهم عني
..........لو بالدرب لاگوني
ردت افهم اشجآي يصير
ومن بالي جزن كل التصاوير
ودگت گلبي دگات البسامير
الخلل بالناس
بضنونـي
عمق تفكير
مُر حزني وبهت لوني
درب يعثر اليمشون
لـو جدمي خوا ومتوچد اعيوني
وصفنت اوراح فكـري بعيد..
اليسـأل يعرف اشبيه بعد شيريد
اشكيله من اهل نوحي
وجفا امواعيد!
اسولفله شكو بروحي
من الهلا لہ وياكم بعد منريد
وحزن من حيلي حيل ايريد
اعلة دربك فصلت شوفـي ، وضواي گبال عيني يبيد
وابچي ابخاطري المكسـور
خاطر وجع روحـي يهيد
السهر من عيني طيف ايريد
يالجيتك اهلال العيد
يجيبك بخت لليلي
لو دربنه ابعيد ..
وتانيت بخلگ متعـوب
ودمع يتسرسح الردني ابمسية اغروب
دم گلبي عصب محروگ
دخان ونفس مخنوگ
خلص شوفي اعلة سرگي البوب
يعتني الشوگ
بس احتـار ..
ازت مكتوبي من ياصوب!
وأروح الغاد من طيفه
تعــب ،
والضجه بافكاري ، تنيتك يابعد داري
وتردني من الحلـم مصيوب
اثآري الطيبه ماتنرآد ، ولا عتبي عليهم فاد
هيه الناس هم اگلـوب
وبعد وشلة عتـب
واعتــب ...
اعتـب ع النوو يرحـون
ماغزرت عشرتنـا
مبارك بالسنه ينشدون
البعد يتعب يهلنه وناس صلفه عيـون
حزني بيا محطـه
بيا درب مركـون!!
وعمـري انچفـه طويسة مـآي
واتبدى بگفـة اليمشون
واكـول ايعـود وكتي وبلكت ايردون
وانـة ادري..
لا منهم رجـة ولا بيهـم اليوفـون
ولا بيهم اليتعاتـب
التعرگ گصته من تكلـه رحت اشلـون
عيوني متانياتك گآع ، يالطولي وي طولك ضاع
ردتك لـو ثگل حملي ضهر ومتـون
وماشيت اليالي بطيف
مشي امرهدنة اعلة الكيف ، يفيآي الزرع بالصيف
الكم نيه الديار الهلا اتـعودون؟؟
كون اتجيبكم نسمه اعلة متن الريح
وافزع منادس االچمات
واعتب والدموع اطيح
گتله شما تشح يشحيح
خلگـي طويـل
ومن بالي توالي كلها تشيل
بس دمعي يضل وايسيل
ورسمك طبع بعيوني بعد شيزيح
وكتله شما تشح يشحيح
لا ملت بهوا شراعك ، ولا ساومت ع الباعك
صـح ..
هميت لوداعك
ويهزني الشوك بس ماطيح
حوراء حرب
0 تعليقات